Saturday, June 16, 2007

Profile




سجادتك يا وطن محتاجة تنفيض.. لاينفع لمّ التراب من عليها ولا ينفع كنسها

أقوال كثيرة سمعناها و نود تناسيها و إعتبارها ذلات لسان لكن قائليها يصرون أن ترسم أقوالهم صورة حقيقية واضحة لقناعاتهم التى أوصلتنا لما نحن فيه. و مع كل كارثة تحل بنا أو بمن لنا صلة بهم يظهر فساد تلك القناعات وخطورتها.. إدعت القناعة وسكنت يدها جيوب الناس وصرحت بعدم مقدرتها على تَحمُل المسؤلية وتشبثت بها وإدعت الإستقلالية ومارست التبعية وفى جرأة غريبة سخرت من معارك بناء خاضها البلد فى ظروف صعبة

من هذه الأقوال


فى بداية حياته الرئاسية.. فى خطاب له

ماتخلصونا بأه!.. يَنفّض من حوله المصورون
تَحَدَّث فى إتجاهات مختلفة ومن بين ما قال.. الكفن مالوش جيوب
هاعملكوا إيه! حديثه كان موجه للشعب
.
.
فى خطاب آخر بعد عدة سنوات

من لا يملك قوته لا يملك قراره
.
.
نحن قراراتنا مستقلة و لا أحد يملى علينا شىء
.
.
معلقاً على حرب الخليج لإخراج صدام من الكويت

أنا أرسلت له تحذيرات كثيرة.. أكثر من مائة تحذير ولكن مافيش فايدة
عمل زينا لما عملنا جدعان فى 56 وخدنا علقة سُخنة
.
.
وتتوالى التصريحات والتصرفات الغريبة

الناس فاكرة إنى بسافر أوروبا وأمريكا أتفسح! لااااا دا إحنا بنتعب جداً
ماهو الواحد لازم يعمل علاقات مع الدول علشان جذب الإستثمار الأجنبى وخلق فرص عمل
وبعدين إنتو فكركم الموضوع سهل لا خالص
دا إحنا بنروح الأوتيل والواحد يصحى الصبح ويستحمى.. مش رايح أقابل رئيس أمريكا
.
.
الإحتفال سنة 1997 بمرور ٢٠٠ عام على إحتلال فرنسا لمصر
.
.
.




19 comments:

Bella said...

سجادة الوطن تحتاج لغسيل بمسحوق صناعة مصرية حتى لاياتينا مسحوق مغشوش لاينظف ولا يطهر

عصفور المدينة said...

سجادة الوطن تستاهل الحرق

عدى النهار said...

bella

الغسيل ذيادة نظافة مطلوبة ولازم طبعاً تكون بمسحوق مصرى

بس بعد التنفيض الأول

عدى النهار said...

عصفور المدينة

هى سجادة واحدة فى عمر كل وطن لو إتحرقت مش راح يبقى شىء. إحنا بس محتاجين شوية عضلات ينفضوها نفضة جامدة وهى تبقى ذى الفل

.:.-=- ELGaZaLy-=-.:. said...

لا محتاجة قناعة بان كلنا بنعيش بيها

وليها ولازم تتنفض

حواء said...

السجادة محتاجة ايدين كتييييييييييييييرة اوى عشان يقدروا ينفضوها ... ماهى ايد واحدة متنفعش , بس ياريت يطلع بفايدة

الزين said...

يا عيني عليج يا مصر
رحت فيها جفي

يعين اهلج الناس الفقرا المساكين

يا مراكبي said...

السجادة عايزة تروح للرفا

Amr Ibrahim said...

و نحن علي اعتاب هذه المرحله التاريخيه من تاريخ هذا الوطن الحبيب

احييك علي هذا البوست و اؤكد أننا سنبقي في هذا الوطن نسيج في سجاده واحده واحد ليسطر التاريخ في صفحاته هذه اللحظات الخالده

و لم يكن اهتمامنا منصب علي سجاد الوطن فقط بل سعينا ليزيد منسوب التراب في الوطن العربي بأكمله

عدى النهار said...

alghazali & bocycat

كويس إنى مش أنا بس إللي شايف إنها عايزة تنفيض

عدى النهار said...

zozota

ربنا يعنا جميعاً على اللي إحنا فيه

عدى النهار said...

يامراكبى

السجادة طول عمرها تحت إيد الرفا بس بدل مايرفيها بينسّل فى نسيجها

عدى النهار said...

anawafkary

حقيقى ضحكتنى ... وعليه أخلع عليك اللقب "إنت من الأحرار يا على" مش كان إسمه على برده؟

صاحب البوابــة said...

الإحتفال سنة 1997 بمرور ٢٠٠ عام على إحتلال فرنسا لمصر

------------

فعلاً

سجادتك يا وطن محتاجة تنفيض.. لاينفع لمّ التراب من عليها ولا ينفع كنسها


تحياتي لقلمك الحر

... said...

كان حلو التشبيه

محتاجة تنفيض

...........
احنا فى بلد المتناقضاااات

عدى النهار said...

صاحب البوابة.. الحمد لله على سلامتك

فكرة الإحتفال تم تسويقها بإدعاء إنه كان عصر تنوير

my keyboard thanks you and says: take it easy :)

عدى النهار said...

حلم

الدعوة عامة للمشاركة فى التنفيض

:)

loumi said...

تفتكر لو ما كانش استحمى
كان الوضع حيبقا احسن؟
تحياتى

عدى النهار said...

ماعتقدش.. أصل فى حاجات ماينفعش فيها حموم