Saturday, January 3, 2009

لا شىء جديد


يوم الثلاثاء الماضي وقبل لقاء وزراء الخارجية العرب بالقاهرة إتصل بوش برؤساء وملوك الدول العربية المعتدلة أمريكياً ، وخصّ مصر بشكر رئيسها على قيادته والدور الإيجابي الذى تلعبه مصر فى إدارة الأزمة

The White House Press Secretary: Also this morning President Bush called Egyptian President Hosni Mubarak to thank him for his leadership and for the positive role that Egypt is playing in the current crisis

لا داعي لسؤ الفهم.. كل ما فى الأمر أن هناك توافق فى الرؤى ، وكل طرف له أسبابه ووسائله

7 comments:

بثينــــــة said...

حلوة حكاية معتدلة أمريكيا
:)
تعرف يا مدحت ياخويا .. تعرف .. ساعات باقول السكات أحسن بس مش قادرة
يعني تفتكر الواحد مننا لما يخذل حد قريب مش بيحس بحاجة كدة .. غصة .. احساس بذنب .. بتقصير .. نغزة في ضميره
مابالك ياخويا بحد خذل شوية ناس كتير كتير
الواحد معرور بصراحة
أنا الجيران أكلوا وشي
:)

يا مراكبي said...

هههههه

أحلى جملة فطستني من الضحك هي إن مصر بتدير الأزمة

------

هو فعلا توافق في لرؤى والأهداف والمصالح .. بس مش بين دولة ودولة .. ده بين دولة وبين أفراد في الدولة

زمان الوصل said...

صح جدّا .. لا شئ جديد للأسف ..
الغريب فقط هو هذا الاندهاش الذى يبديه بعض المصريين من موقف "مصر" الرسمى !! أصله مش جديد على الإطلاق بس إحنا بنحب نعيش دور المصدومين !!

أحمد كمال said...

روبرت فيسك عنده وجهة نظر بخصوص إدارة مصر لأزمة غزة ، و سبب تقدير بوش لمصر:
http://www.almasry-alyoum.com/article2.aspx?ArticleID=193058&IssueID=1273

عدى النهار said...

بثينة
ياريتها توقف عند أكل وشنا وخلاص. أصل اللي حصل ومازال حاصل مش خزلان! ده شىء له طبيعة تانية.. إعتدال أمريكي بأه وكل واحد لازم ينام على الجنب اللي يريحها

مراكبي
تفتكر حقيقي إنها مش بتدير الأزمة!؟ طب فكر تاني كده وإنت يمكن تغير رأيك

زمان الوصل
الناس مش قادرة تصدق اللي شايفاه ومعهم حق لأن اللي حاصل من الصعب هضمه لكن برضه من الصعب تكذيبه وعلشان كده تلاقي ناس كتير بتتنشق على مقالة أو تصريح لحد غير مصري بيقول كلمة حلوة فى حق مصر

أحمد
شكراً على اللينك
روبرت فيسك وغيره لهم أكثر من مقال عن الموقف الحالي و كلهم جديرين بالقراءة. أقوال الصحافة البريطانية على موقع بي بي سي من الأشياء اللي بتابعها بقدر الإمكان

anawafkary said...

انت فين من زمان
يا رب تكون بخير

amr_i_m@hotmail.com

عدى النهار said...

إزيك يا عمرو؟ الحمد لله أنا بخير. شكراً على السؤال
:)