Sunday, December 23, 2007

متى ترحل

كلمتين لكل عنكبوت
متى ترحل غير مأسوف عليك بمن أتيت
ظلامـك يحجب كل ضـوء
يقـطع كل وصــل
يقتل كل حلم

متى تزول الغيامة من سمائنا
متى تروى المياه الظمأ
متى يعود الضوء
ويأتى الدفئ

متى يكـون اليـوم غـير اليـوم
والأمس ليس إلا أمس
راحـل لا محالة
وسنرى غد

لاتخشى رحيلك لن يغيبك رحيل
فى أول صف كما إعتدت
فى أنات ولعنات الغد
حاضر أنت

19 comments:

عصفور المدينة said...

صح
:)
مزبلة التاريخ جزء من التاريخ برضه

ما أجمل هذه الزفرة

عصفور المدينة said...

نسيت اقول يا خوفي لنرحل احنا الأول

حــلم said...
This comment has been removed by the author.
حــلم said...

بعد الشر عليا
:‏)‏
تشبيه مناسب..عنكبوت منتشرة خيوطه بلزوجتها لتصطاد الأمل

فيه مثل بتقوله خالتي رمزية
مايفضل عالمداود إلا شر البقر

الترجمة هتنزل بعدين

daktara said...

مش ده العنكبوت الوحيد اللي المفروض يرحل
عقبال كل العناكب
كل سنة وانت طيب

اسكندراني اوي said...

هو الكلام على مين ولا كؤاخذه

ههههههههههههههههه

كلمتين في الجون

عدى النهار said...

محمد
الواحد فاض به كل يوم أخبار سيئة فى كل ركن.. مشاكل قابلة للحل تحولت لأزمات طاحنة وزادت وتسليم غريب للغير وكأننا هفأ لاقيمة لنا رغم إننا مش كده لكن الترهل أصاب كل شىء.. كفاية بقى علينا كده

حلم
بعد ألف شر عليكى وعلى كل حلم
:)
لما أقرأ إن مهندس زراعى بالإسماعيلية يكتشف سماد عضوى طبيعى ويجربه تحت إشراف أساتذة ويضاعف به إنتاج القمح بطريقة تحل مشكلة إستيراده وإستيراد الأسمدة لكن إكتشافه يتوقف حاله وغيره كتير.. دى عناكب تستاهل الحرق

daktara
كل سنة وإنت طيب
مزبوط علشان كده عنوان البوست عبارة عن كلمتين متوجهين لكل عنكبوت.. متى ترحل

إسكندرانى
الكلام على ولامؤاخذه العناكب كلهم كبيرهم وصغيرهم قبل مايكبر هو كمان

marmad said...

أعجبنى التشبيه للغاية..أحيي حضرتك :)
وصدق الله العظيم إذ قال"وإنّ أوهن البيوت لبيت العنكبوت لو كانوا يعلمون " (العنكبوت 41)
حيرحل حيرحل.. وده أجمل ما فى الدنيا ..إن مفيش حد باقى..مهما طالت دراعاته واشتدت مخالبه، ومهما كان سمه ناقع.. فى يوم حيبقى عبرة!!
فاللهم عافنا!!

Gid-Do - جدو said...

عدى النهار

هذة القصيدة مهداه الى البشر اللى شكلهم بنى ادم لكن وظيفتهم عناكب ـ انا عارف ان خالتى رمزية هى اللى كاتبة الكلام الحلو دة لكن من فضلك تقولها ان تكتب اعتذار للعناكب

لان العناكب خلقت لوظيفة لها اهميتها فى حدوث التوازن فى البيئة بين الحشرات

عدى النهار said...

marmad
ربنا يبارك فيكِ. الكل راحل طبعاً لكن البعض بيغفل أحياناً عن هذه الحقيقة .. أوئمن على دعوتك بطلب العفو من الله

جدو
مافيش رمزية ولا حاجة :) ده الكلام مباشر جداً. الصورة وذِكر العنكبوت فقط للتخفيف من وطأة الكلام. وطبعاً الكل متفق معك فى إن العنكبوت وبقية المخلوقات لكل منها وظيفته التى خلق من أجلها

بنت القمر said...

عدي النهر باشا
اولا كل سنه وانت طيب وبالصحه والسلامه تانيا
يا خوفي يا بدران للعنكبوت القادم يبقا العن من السابق
ويا يرحل العنكبوت الكبير وتفضل العناكب الصغيرة
والحال هو الحال
بوست جميل في لغته اوي
وبعدين ايه يا عم شياكه التعليقات ولينكات ازرق بقا للمعلقين وكدا انت بقا بتغظني عشان ايدي تقيله لسه في اللعبه
كل سنه وانت بخير

Mohamed A. Ghaffar said...

انتظار رحيل العنكبوت يجعله اكثر انتشاراً ، وانما يزال باليد

دنــــيــــــا مـحـيـرانـي said...

تحفه الرمزيه الاي فيها تجنن
يارب يغور و يروح
بس تفتكر المفروض نستني ربنا ياخده و لا احنا المفروض نعمل كده بيدينا
ربنا معنا و ياخد كل العناكيب الاي معششه
تحياتي

يا مراكبي said...

نعم .. لن ينساه التاريخ أبدا .. فهو خالد بما أنجزه ولن يقدر على ما أنجزة أحد

تعرف .. لو حاولت تخطط وتحاول إنك تبوظ الدنيا زيه كده مش هتعرف برضه .. دي أصلها قدرات خاصة جدا

loumi said...

العزيز مدحت

إن أوهن البيوت لبيت العنكبوت
وأنكر الأصوات لصوت الحمير

كعادة من يأدون الأحلام
ويحكمون قبضتهم على انفاس أصحابها
تظل اللعنات تلاحقهم حتى بعد رحيلهم
وتبقى ذاكرتهم فى أظلم ركن من الذاكره

تحياتي

lonely said...

سترحل كل العناكب عندما تجد من يحاربها
لن ترحل وحدها بل ستتزايد
ان الله لا يغير ما بقوم حتى يغيروا ما بانفسهم
وعشان يكون فى امل
التاريخ بيثبت ان ما فيش ظلم بيدوم
بس عمره ما بيزول لوحده بدون ايادى تزيله وتزحزحه

عدى النهار said...

بنت القمر
كل سنة وإنت طيبة. الواحد لما بيفيض بيه بيبقى عايز الغمة تنزاح ومش بيفكر فى أى شىء آخر

عبد الغفار
كلامك صح

مراكبى
ربنا يبشرك بالخير.. طالما لن يقدر على ما أنجزه أحد يبقى مش ممكن ييجى حد أسوأ منه

دنيا
العناكب هدت حيل الكل علشان تقدر تعشش.. ده فن مش أى كلام

لومي
مش عارف ليه فى تنافس حاد على هذا الركن المظلم من الذاكرة

lonely
طبعاً محتاج أيادى لكن للأسف الأيادى تم تكسيرها.. أو هكذا يبدو الأمر

klmat said...

كل سنه وانت طيب
وسنه سعيده بأذن الله
ماضاقت الامافرجت
ربنا يخلصنا من كل الحشرات
المؤذيه والعنكبوت
ده كبر اوى والخوف من البابيبى بتاعو
ربنا معانا ان شاء الله
ونلاقى المبيد المناسب
وافر تحياتى

ibn_abdel_aziz said...

كل ماضي نبغضه أو تاريخ نلعنه
يجب أن نتبعه بحاضر يغيره
ويكون التغيير هو نحن
حتي نكون نحن والتغيير سواء
ثم نقوم بنشر العدوي
حتي يتحول التغيير الي مجموعة من البشر
ثم يتكاثرون وينجبون ويتعايشون ويعيشون
ثم ربما
يكون مستقبلا آخرا

والله أعلم